卡爾維特之家Casa Calvet 可以話係最保守嘅建築，估唔到竟然曾經拎唔到建築批文！ 原來高廸入紙起樓果時，市政府話佢個建築高於呢條街嘅法定高度，將個申請彈返轉頭。據講高廸就用支紅筆嗎喺圖積上面打橫畫咗一筆，將頂層高出嚟嘅裝飾全部刪除。佢仲威脅話，如果格硬要幢樓起矮啲，就咁啦，暗示點都唔會改。後來經過業主多番周旋，最終都係跟返高廸嘅原本設計黎起，第二年（1900年）仲拎咗高迪有生之年唯一一個建築獎「第一屆最佳巴塞隆拿建築獎」添！ 而家呢幢建築物無對外開放，而係變成同名餐廳，要參觀就要入去食喇。  (圖片源自互聯網)